काठमाडौं – कलंकीमा प्रदर्शनकारीहरूले आगजनी र तोडफोड गरेपछि प्रहरीले गोली चलाएको छ। प्रहरीको गोली लागेर २१ जनाको मृत्यु भएपछि आज देशभर प्रदर्शनका गतिविधि जारी छन्।

जेनजीहरूले सरकारले सामाजिक सञ्जालमा लगाएको प्रतिबन्ध, देशमा व्याप्त भ्रष्टाचार, प्रशासनिक बेथिति र नेता तथा उनीहरूको छोराछोरीहरूको विलासी जीवनशैलीमाथि प्रश्न उठाउँदै सोमबारदेखि देशभर प्रदर्शन सुरु गरेका थिए।

प्रदर्शनकारीहरूले विभिन्न स्थानमा आगजनी र तोडफोड गरेका छन्। सुरक्षा निकायहरूले स्थिति नियन्त्रणमा लिन आवश्यक कदम चालिरहेका छन् र शान्तिपूर्ण वातावरण कायम राख्न सबै पक्षलाई आग्रह गरेका छन्।