भदौ २३,२०८२ काठमाडौं – काठमाडौंमा जेनजीहरूको आन्दोलन नियन्त्रणका क्रममा मृत्यु हुनेको संख्या १० पुगेको छ। विभिन्न अस्पतालहरूले दिएको जानकारीअनुसार सोमबार दिउँसो साढे ३ बजेसम्म मृत्यु हुनेको आधिकारिक संख्या १० मा पुगेको हो।

अस्पताल स्रोतका अनुसार, ट्रमा सेन्टरमा ६ जना, सिभिल अस्पतालमा १ जना, केएमसी अस्पतालमा १ जना, त्रिवि शिक्षण अस्पतालमा १ जनाको मृत्यु भएको छ।

त्यस्तै, संसद भवनको मुख्य गेट अगाडि गोली लागेर एक प्रदर्शनकारीको घटनास्थलमै मृत्यु भएको पुष्टि भएको छ।

आन्दोलनका क्रममा घाइते हुनेहरूको संख्या पनि उच्च रहेको र उनीहरूको काठमाडौंका विभिन्न स्वास्थ्य संस्थामा उपचार भइरहेको बताइएको छ। मृतकहरूको पहिचान भने अहिलेसम्म सार्वजनिक गरिएको छैन।