वैदेशिक रोजगारीको प्रलोभनमा ठगी गर्ने ३ जना पक्राउ
प्रकाशित मिति
२०८२ श्रावण १५ गते, बिहीबार ०१:०७
श्रावण १५, २०८२ काठमाडौं । विदेश पठाइदिने भन्दै ठगी गरेको आरोपमा तीन जना पक्राउ परेका छन्। पक्राउ पर्नेमा अशोक मोक्तान, टेक बहादुर घर्ती मगर र बिमल आले रहेका छन्।
अशोकले युएई पठाउने भन्दै ६ जनाबाट ११ लाख ४० हजार, टेक बहादुरले मलेसिया पठाउने भन्दै २ लाख ८ हजार र बिमलले सर्बिया पठाउने भन्दै १२ लाख रुपैयाँ ठगी गरेको उजुरीका आधारमा उनीहरूलाई काठमाडौंका विभिन्न स्थानबाट प्रहरीले पक्राउ गरेको हो। उनीहरूलाई वैदेशिक रोजगार विभाग ताहाचलमा बुझाइएको छ।
प्रतिकृया