असार २१ , २०८२ काठमाडौं । नेपाल विद्युत् प्राधिकरणको ठेक्का विवादमा बागमती प्रदेशसभा सदस्य डम्बर तामाङसहित ६ जनाविरुद्ध ललितपुर जिल्ला अदालतले पक्राउ पुर्जी जारी गरेको छ। सहन इन्जिनियरिङ कन्सर्न प्रालिका अध्यक्ष सन्तकुमार गुरुङको जाहेरीपछि ५ फागुन २०८१ मा अदालतले पुर्जी जारी गरेको हो।

राप्रपाका तामाङ पूर्वसहकारी मन्त्री तथा धादिङ–२ (ख) बाट निर्वाचित सांसद हुन्। उनी प्राधिकरणका पूर्वकार्यकारी निर्देशक कुलमान घिसिङका काका ससुरा समेत हुन्। घिसिङ कार्यकालमै तामाङको कम्पनीलाई दबाब दिएर ठेक्का दिलाइएको आरोप लागेको छ।

उक्त पुर्जीविरुद्ध उच्च अदालत पाटनमा दर्ता गरिएको निषेधाज्ञा निवेदन ९ असारमा खारेज भएको छ।