काठमाडौँ, प्रमुख प्रतिपक्षि दल नेपाली काङ्ग्रेस केन्द्रीय कार्यसमितिको आज बोलाइएको छ । केन्द्रीय कार्यसमितिको बैठक पार्टी कार्यालय सानेपामा आज दिउँसो २ बजेदेखि बस्न लागेको हो ।

बुधबारका लागि निर्धारित बैठक पार्टीका वरिष्ठ नेता रामचन्द्र पौडेल अस्वस्थ भएपछि बिहीबार दिउँसो बस्ने बैठकमा समसामयिक राजनीतिक, भ्रातृ, शुभेच्छुक संस्था र जनसम्पर्क समितिकाबारेमा छलफल हुने पार्टीले जनाएको छ ।

कांग्रेसका १३ भ्रातृसंस्थामध्ये अधिकांशको समयावधि सकिएको छ । भ्रातृ संस्थाको विधान पारित र अवधि सकिएका भ्रातृ संस्थाको अधिवेशन तोक्ने वा तदर्थ समिति बनाउने भन्ने निर्णय बैठकले गर्ने नेताहरुले बताउनु भएको छ ।