३१ श्रावण २०८०, काठमाडौँ: हलिउडका चर्चित अभिनेता डेरेन केन्टको ३९ वर्षको उमेरमा निधन भएको छ । अमेरिकी टीभी सिरिज ‘गेम अफ थ्रोन्स’ बाट चर्चित केन्टले ११ अगस्ट २०२३ मा अन्तिम सास लिए ।

सीएनएनका अनुसार, उनको निधनको पुष्टि क्यारी डोड एसोसिएट्सले मंगलबार ट्विटरमार्फत गरेको हो । ‘निकै दुःखका साथ हामीले तपाईंलाई भन्नुपरेको छ, हाम्रा प्रिय मित्र एवं ग्राहक डेरेन केन्टको शुक्रबार शान्तिपूर्वक निधन भएको छ । आमाबुवा र सबैभन्दा मिल्ने साथी उनका साथमा थियाैँ । यो कठिन समयमा हाम्रो विचार एवं प्रेम उनको परिवारको साथमा छ ।’ यद्यपि, उनकाे निधनकाे कारण खुलाइएकाे छैन ।