२६ श्रावण २०८०, काठमाडौँ:  प्रहरीको केन्द्रीय अनुसन्धान ब्युरोले नक्कली शैक्षिक प्रमाण पत्र लिएको आरोपमा थप एक चिकित्सकलाई पक्राउ गरेको छ। यससँगै पक्राउ पर्ने नक्कली चिकित्सकको संख्या ८ पुगेको छ ।

सीआइबीका एसपी नवराज अधिकारीका अनुसार सुमेरू सिटी हस्पिटलकी डा. पुनम थापा चौधरी पनि नक्कली प्रमाणपत्र बनाएको आरोपमा पक्राउ परेकी हुन् । उनलाई काठमाडौंस्थित घरबाटै पक्राउ गरेको पनि प्रहरीले जानकारी दिएको छ ।

सिआइबीले मोरङ क्षेत्र नम्बर ३बाट निर्वाचित कांग्रेस सांसद सुनिल शर्मासँगै डा. रामबाबु यादव, डा. रञ्जित यादव, डा. एलिना साह, डा. अमित चौधरी, डा. श्रद्धा शिल्पकार र डा. मनित चौधरीलाई नक्कली प्रमाणपत्र बनाएको आरोपमा पक्राउ गरिसकेको छ ।