हेटौंडा, मकवानपुरको हेटौंडा उप–महानगरपालिका–२ कान्तिराजपथमा हरिप्रसाद खतिवडाले सञ्चालन गरेको एच पि सप्लायर्सबाट रकम चोरी गर्ने एक युवक पक्राउ परेका छन् ।

पक्राउ पर्नेमा मकवानपुरको गढी गाउँपालिका–३ का ३१ वर्षीय श्याम थापा मगर रहेको जिल्ला प्रहरी कार्यालय मकवानपुरले जानकारी दिएको छ ।

सप्लायर्सबाट चोरी भएको भन्ने सुचनाको आधारमा खोजतलासको क्रममा सोमबार उनलाई हेटौंडा उप–महानगरपालिका–१० बसपार्क स्थितबाट पक्राउ गरिएको हो ।

उनको साथबाट १८ हजार ८ सय ४५ रुपैयाँ नगद र ब्लुटुथ १ थान बरामद गरिएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक यज्ञ प्रसाद भट्टराईले जानकारी दिए ।

नियन्त्रणमा लिइएका थापा मगरको बिषयमा अनुसन्धान भइरहेको प्रहरीले जानकारी दिएको छ ।