म्यादी प्रहरी हुन ललितपुरमा पहिलो दिन ४०३ जनाले दिए आवेदन

प्रकाशित मिति

२०७८ चैत्र ७ गते, सोमबार ०९:१६

७ चैत्र २०७८, ललितपुर : ललितपुरमा आइतबार पहिलो दिन ४ सय ३ जनाले आवेदन दिएका छन् । वैशाख ३० गते घोषित स्थानीय तहको निर्वाचनका लागि १ हजार २ सय ४ जना म्यादी प्रहरीमा आवेदन मागिएकोमा पहिलो दिनमै झण्डै आधा संख्याका युवा युवतीले आवेदन बुझाएका हुन् ।

प्रहरी परिसर जावलाखेलका प्रहरी निरीक्षक पुस्कर बोगटीका अनुसार ललितपुरमा आइतबार बिहान १० बजेबाट फारम खुलेको थियो । ललितपुरमा ६ वटा स्थानीय तहका लागि म्यादी प्रहरी भर्ना गर्न लागिएको हो ।

४० दिनका लागि देशभर १ लाख १९ हजार म्यादी प्रहरी मागिएको छ ।