३ माघ २०७८, एजेन्सी : अभिनेता अक्षय कुमारको फिल्म ‘बच्चन पाण्डे’ को सुटिङ सेटमा आगलागी भएको छ । फिल्म सेटमा शनिबार आगलागी भएको हो । मिडिया रिपोर्टका अनुसार फिल्मको सुटिङ लगभग पुरा भैसकेको थियो । फिल्म मेकर्स पेचवर्कमा काम गरिरहेका थिए ।

अक्षयकुमार अभिनेत्री कृति सेननका साथ पेचवर्कको सुटिङमा ब्यस्त थिए । यही क्रममा सेटमा आगलागी भएको हो । आगलागी छिट्टै नियन्त्रण भएको थियो । आगलागीले फिल्म सेटमा के कति क्षति भयो भन्ने विवरण अहिले भने बाहिर आएको छैन । फिल्ममा अक्षय र कृतिको अलवा ज्याकलिन फनान्डिस पनि मुख्य भूमिकामा छिन् ।

अक्षय अब फिल्म ‘सेल्फी’ को सुटिङमा ब्यस्त हुनेछन् । फिल्ममा उनको अलवा इमराम हाशमीको मुख्य भूमिका रहनेछ । राज मेहता निर्देशक रहने फिल्म अरुणा भाटिया, हिरु यस जौहर, सुप्रिया मेनन लगायतले बनाउन लागेका हुन् । फिल्म २०२२ मा फिल्म हलमा आउनेछ ।