संखुवासभामा नेपाल प्रहरी र प्रतिबन्धित नेत्रविक्रम चन्द नेतृत्वको विप्लव समूहबीच जम्काभेट हुदा गोली चलेको  प्रहरीले दाबी गरेको छ  ।फायरिङ गर्ने क्रममा  दुवै पक्षमा कुनै क्षति भएको छैन ।

विप्लव समूहका कार्यकर्ताले प्रहरीलाई लक्षित गरेर फायर खोलेको र उनीहरुले फायर गर्दै जंगलतिर भागेपछि प्रहरीतर्फबाट पनि गोली चलेको जनाएको छ ।

सिलिचोङ गाउँपालिका-१ मा गस्तीका लागि प्रहरी टोली गएको र फिल्डमा जाँदा सांकेतिक फायरिङ भएको प्रदेश १ का प्रहरी प्रमुख डीआईजी ठाकुरप्रसाद ज्ञवालीले बताएका छन ।

थप विवरण आउन बाकी रहेको प्रहरीको भनाइ छ ।