थप १०७८ जनामा कोरोना संक्रमण, १२ जनाको मृत्यु

प्रकाशित मिति

२०७८ आश्विन १४ गते, बिहीबार ०६:०१

१४ असोज, २०७८ काठमाडौँ : पछिल्लो २४ घण्टामा १ हजार ७८ जना कोरोना संक्रमित थपिएका छन् । स्वास्थ्य मन्त्रालयका अनुसार काठमाडौँ उपत्यकामा थप ३ सय ६९ जनामा कोरोना संक्रमण पुष्टि भएको छ। काठमाडौँमा २६७, भक्तपुरमा ३७ र ललितपुरमा ६५ जना संक्रमित थपिएका हुन्।

यस्तै, गत २४ घण्टामा देशभर कोरोनाबाट थप १२ जनाको मृत्यु भएको छ। यससँगै कोरोनाबाट ज्यान गुमाउनेको संख्या ११ हजार १३५ पुगेको स्वास्थ्य मन्त्रालयले जनाएको छ । बिहीबार ९ सय ११ जना कोरोना संक्रमणमुक्त भएका छन्। हाल देशभर १८ हजार १६८ जना सक्रिय संक्रमित छन्।