बझाङ जिप दुर्घटनामा ९ जनाको मृत्यु, ९ जनाकै सनाखत

प्रकाशित मिति

२०७६ असार ३ गते, मंगलवार ०७:०४

काठमाडौंः बझाङको डौँठीमा जिप दुर्घटनामा परी ९ जनाको मृत्यु भएकोछ । मृत्यु हुने ९ जनाकै सनाखत भएको छ । सोमबार हिजो दिउँसो बझाङको सदरमुकाम चैनपुर नजीकै रहेको डुङरीबाट मष्टा गाउँपालिका जाँदै गरेको से १ ज १०७२ नम्बरको जिप वडा नं १ डौँठी भन्ने ठाउँमा दुर्घटना भएको थियो।

मृत्यु हुनेमा मष्टाका कलकबहादुर खड्का र उनका छोरा, जुनधारा खड्का, नैन खड्का, धौली खड्का, जुना खड्का, भक्त द्वाल, चालक सुरेन्द्र थापा र लक्ष्मी द्वाल रहेका छन् । घाइतेको उपचारका लागि हेलिकोप्टरमार्फत नेपालगञ्ज ल्याइएको छ ।