गौरब निरौला ।
पत्रकारलाई नाकको डाँडी भाँच्छु भन्दै धम्की दिने इटहरी उपमहानगरपालिकाका मेयर द्वारीकलाल चौधरीको आलोचना अहिले जताततै छ । इटहरीका पत्रकार विराट अनुपमलाई फोनमा नाकको हड्डी भाँच्न एक करोड छुट्याएको छु भन्दै धम्की दिएका मेयरको सामाजिक सञ्जाल जताततै आलोचना भएको हो ।

पत्रकारमाथि दुव्र्यवहार गर्ने इटहरी उपमहानगर पालिकाका मेयर देवारिकालाल चौधरीलाई क्षमायाचना गर्न नेकपा नेताहरुले सुझाव दिएका छन्। पत्रकारको नाक भाच्न एक करोड रुपैयाँ छुट्याएको अभिव्यक्ति दिएर विवादमा आएका चौधरीलाई नेकपाका स्थायी कमिटी सदस्यहरु शंकर पोखरेल र योगेश भट्टराईले क्षमायाचना गर्न आग्रह गरेका हुन्। पाँच नम्बर प्रदेशका मुख्यमन्त्रीसमेत रहेका पोखरेल र नेता भट्टराईले पदीय गरिमाविपरीत बोलेको भन्दै सच्याउन आग्रह गरेका हुन्।

फेसबुक, ट्वीटरलगायत सामाजिक सञ्जालमा पत्रकारदेखि राजनीतिज्ञसम्म धेरैले यस विषयमा मुख खोलेका छन् । यस्तैमा सत्तारुढ नेकपाका नेता योगेश भट्टराईले सामाजिक सञ्जाल फेसबुकमा मेयर द्वारीकलाल चौधरीको आलोचना गरेका छन् ।

उनले बुधबार बिहान लेखेका छन्, ‘म द्वारीकजीको हकी स्वभाव, प्रष्टवक्ता र इमान्दारिताको पहिलेदेखि कै प्रशंसक हुँ । तर, केही दिनयता उहाँले पत्रकार र अन्य कतिपय व्यक्तिहरुका बारेमा सार्वजनिक भएका अभिब्यक्ति स्वयम् उहाँले धारण गर्नुभएको सार्वजनिक पद, उहाँले प्रतिनिधित्व गर्नुभएको पार्टी (नेकपा) र स्वयम् उहाँको राजनीतिक उचाइका लागि कदापी सुहाउँदैन । तसर्थ आफ्ना भनाइप्रति सार्वजनिक रुपमा आत्मलोचना गरी पदीय गरिमा र पार्टीको प्रतिष्ठाप्रति सचेत रहन मेयर द्वारीक चौधरीलाई म बिनम्र अनुरोध गर्दछु ।’

यस्तै प्रदेश नम्बर ५ का मुख्यमन्त्री शंकर खरेलले पनि यस विषयमा आफ्नो विचार राखेका छन् ।

उनले लेखेका छन्, इटहरीका मेयर द्वारिक चौधरी हकी स्वभावको हुनुहुन्छ भन्ने कुरा त उहाँको अभिव्यक्तिवाटै थाह हुन्छ । तर, पार्टीको मान्यताका बारेमा भने उहाँका बुझाईहरु भने पूर्णतः त्रुटीपूर्ण छन् । नेकपा विधिको शासन र लोकतान्त्रिक मुल्यमान्यताप्रति दृढ छ । जवजवाट दिक्षीत कार्यकर्ताले त लोकतान्त्रिक मूल्य मान्यता र विधिको शासनप्रति झनै प्रतिवद्ध रहनुपर्ने हुन्छ । द्वारिकजीको आक्रोस पितपत्रकारिता र भ्रष्टाचारविरुद्ध भएपनि अभिव्यक्ति भने अस्वभाविक र गलत छन् । तसर्थ उहाँले जनप्रतिनिधि र पार्टी कार्यकर्ता दुवै हिसाबले आफ्ना अभिव्यक्तिलाई सच्याउँदै आत्मआलोचना गर्नु उचित हुनेछ ।’

पत्रकारमाथि दुर्व्यवहार गरेपछि चर्चामा आएका मेयरले मंगलबार पत्रकार विराटलाई अब तिम्रो नाकको हड्डी भाँच्छु अनि मात्र मलाई शान्ति हुन्छ भन्दै फोनमा धम्क्याएका थिए ।

मेयर चौधरीले पत्रकार अनुपमको फेसबुक स्टाटसमा चाटुकर पत्रकार भन्दै कमेन्ट गरेका थिए । त्यसपछि अनुपमले मेयरलाइ फोन लगाएपछि पत्रकारले यस्तो धम्की दिएका थिए ।

यसैगरी रविलामिछाने ले पनि मेयर चौधरी को बिषयमा टवीटरमा आफनो अभिब्यक्ती दिएका छन ।

मेयर द्वारिका चौधरीका बिषयमा… pic.twitter.com/yD8HzOdwoA

— Rabi Lamichhane (@hamrorabi) June 5, 2019

केहि सामाजीक संजाल मा रहेका टिप्पणी :

सलाम छ इटहरी का मेयर चौधरी लाई,
दण्डहीनता मा मौलाएको राजनीति र स्थापित
नजिरलाई को बारेमा प्रष्ट बोलिदिएकोमा । जे भइ रहेको छ त्यही बोलेका छन है।

— Jharana Sharma (@Jharana22) June 5, 2019

पत्रकारले टेलिभिजनको स्क्रिनमा बसेर करोडौको आँखा अगाडि टुडिखेलमा लगेर घुमी घुमी उफ्री उफ्री नाकको डाडि भाच्चिने गरी हान्छु भन्दा चै नियम- कानुन भित्र पर्ने अनी जनप्रतिनिधिले त्येइ कुरा बोल्दा दादागिरी,
इटहरी का मेयर लाई मेरो पुर्ण समर्थन छ्😎😎😎

— Hey lee raj (@heliraj) June 5, 2019

इटहरी नगरपालिकाका मेयर उनले भनेको भनाइ अनुसार राष्ट्रप्रेमी ,बिकास प्रेमी भ्रष्टाचार बिरोधि लाग्यो भलै उनले प्रयोग गरेका शब्द अशिष्ट थिए तर यस्तै कडा खालको राष्ट्र प्रेमी कुब्यवस्था बिरोधि नेपालको राष्ट्र प्रमुख पनि हुनु जरुरी छ जस्तो लाग्छ ।

— 🇳🇵नारायण प्रसाद गौतम 🇳🇵 (@psd_narayan) June 5, 2019

इटहरी उपमहानगरका मेयर द्वारिकालाल चौधरीले प्रयोग गरेको भाषा अपाच्य र अमिलो भए पनि केही पत्रुकारहरुको दलाली र कमाइ खाने घटिया व्यवहारलाई भने कडा चुनौती दिएकै हुन्।पत्रुकारहरुको केही झुन्ड खान पाए भ्रष्टाचारीको समाचार पनि सही र खान नपाए ईमानदारको हुर्मत लिन पनि बाँकी राख्दैनन्।

— ओमकुमार थापा(ॐ) (@OmThapa27) June 5, 2019

यस्तो भेटियो त pic.twitter.com/Nt6VdaCVvF

— टपरे 😷 (@HimaliKaaG) June 5, 2019