११ असार २०८३ काठमाडौं – राष्ट्रिय स्वतन्त्र पार्टी (रास्वपा) को दोस्रो चरणको निर्वाचन प्रक्रिया आज दिउँसो ४ बजेदेखि सुरु हुने भएको छ। पहिलो चरणअन्तर्गत केन्द्रीय सदस्यहरूको मतदान सम्पन्न भइसकेको छ।

रास्वपाका नेता मनिष झाका अनुसार करिब ८० वटा बुथमार्फत झण्डै ३१०० मत खसेको प्रारम्भिक विवरण प्राप्त भएको छ। पार्टीले महाधिवेशन प्रतिनिधिहरूको उत्साहजनक सहभागितालाई सकारात्मक रूपमा लिएको जनाएको छ।

दोस्रो चरणमा खुला उपसभापति, महिला उपसभापति, महामन्त्री, दुई खुला सहमहामन्त्री र दुई महिला सहमहामन्त्री पदका लागि मतदान हुनेछ। सभापति रवि लामिछानेले निर्वाचन प्रक्रिया समयमै अघि बढाउन निर्देशन दिएको पनि पार्टीले जनाएको छ।