सरकारले आगामी आर्थिक वर्ष २०८३/८४ का लागि शिक्षा क्षेत्रमा २ खर्ब १८ अर्ब ३० करोड रुपैयाँ बजेट विनियोजन गरेको छ । शुक्रबार सङ्घीय संसद्मा बजेट प्रस्तुत गर्दै अर्थमन्त्री स्वर्णिम वाग्ले ले शिक्षा क्षेत्रका लागि उक्त बजेट छुट्याइएको जानकारी दिएका हुन् ।

यद्यपि, शिक्षा क्षेत्रले पाएको बजेट भौतिक तथा शहरी पूर्वाधार विकास मन्त्रालयको तुलनामा कम रहेको छ । सरकारले भौतिक तथा शहरी पूर्वाधार विकासतर्फ २ खर्ब ६८ अर्ब रुपैयाँ बजेट विनियोजन गरेको जनाएको छ ।

सरकारले शिक्षा क्षेत्रमा गुणस्तरीय शिक्षामा पहुँच विस्तार, विद्यालय पूर्वाधार सुधार, प्राविधिक शिक्षा प्रवर्द्धन तथा मानव संसाधन विकासलाई प्राथमिकतामा राखेको बताएको छ ।