७ जेठ २०८३ काठमाडौं – नेपाली कांग्रेस, नेपाल कम्युनिस्ट पार्टी (एमाले), नेपाल कम्युनिस्ट पार्टी तथा श्रम संस्कृति पार्टी का सांसदहरूले प्रतिनिधिसभा बैठकमा विरोध जनाएका छन् । गृह, रक्षा तथा विज्ञान प्रविधि मन्त्रालयको जिम्मेवारी सम्हालेका प्रधानमन्त्री बालेन्द्र शाह को तर्फबाट कानुनमन्त्रीले प्रतिनिधि सभा निर्वाचनसम्बन्धी अध्यादेश पेश गर्न लागेपछि विपक्षी सांसदहरू उठेर विरोधमा उत्रिएका हुन् ।

विरोधपछि सभामुख डोलप्रसाद अर्याल र विपक्षी सांसदबीच केही समय बहस भएको थियो । सभामुखले एमाले सांसद ऐन महरलाई बोल्न एक मिनेट समय दिएका थिए । तर महरले एक मिनेट पर्याप्त नभएको भन्दै बोल्न अस्वीकार गरेका थिए ।