८ बैशाख २०८३ काठमाडौं – राष्ट्रिय स्वतन्त्र पार्टी ले फागुन २१ मा सम्पन्न निर्वाचनमा प्रत्यक्षतर्फ जित हासिल गर्न नसकेको क्षेत्रमा समानुपातिक सांसदहरूलाई जिम्मेवारी तोकेको छ। पार्टीका महामन्त्री कविन्द्र बुर्लाकोटी का अनुसार ती निर्वाचन क्षेत्रका समस्या र जनताका मागहरू प्रभावकारी रूपमा सम्बोधन गर्ने उद्देश्यले यस्तो निर्णय गरिएको हो।

‘प्रत्यक्ष निर्वाचनमा विजय प्राप्त गर्न नसकेका क्षेत्रहरूमा समानुपातिक सांसदमार्फत काम अघि बढाउने गरी जिम्मेवारी तोकिएको छ,’ उनले भने।

रास्वपाले प्रत्यक्षतर्फ ४० निर्वाचन क्षेत्रमा जित हासिल गर्न सकेको थिएन। ती सबै क्षेत्रमा अब समानुपातिक सांसदहरूले प्रतिनिधित्व गर्दै स्थानीय समस्या पहिचान, समन्वय र समाधानका पहल गर्नेछन्।