३ बैशाख २०८३ काठमाडौं – रुबिकुमारी ठाकुरले दाइजो लेनदेन भएको विवाहमा सहभागी नहुने बताएकी छिन्।सामाजिक सञ्जालमार्फत उनले दाइजो प्रथाविरुद्ध स्पष्ट सन्देश दिँदै यस्तो विवाहमा उपस्थित हुन असमर्थ रहने जानकारी गराएकी हुन्।

उनले दाइजो लिनु–दिनु मात्र होइन, त्यस्ता विवाहलाई स्वीकार गर्नु र कार्यक्रममा सहभागी हुनु पनि सामाजिक तथा कानूनी रूपमा अस्वीकार्य रहेको उल्लेख गरेकी छिन्। ठाकुरले दाइजो प्रथाले महिलाको सम्मान, समानता र अधिकारमा आघात पुर्‍याउने बताउँदै दहेजमुक्त, समानतामा आधारित विवाहलाई प्रोत्साहन गर्न आग्रह गरेकी छिन्।

साथै, उनले विवाह निमन्त्रणामै ‘दहेज मुक्त विवाह’ सम्बन्धी स्पष्ट सन्देश समावेश गर्न पनि अनुरोध गरेकी छन्।