२ बैशाख २०८३ काठमाडौं – नेपाल स्टक एक्सचेञ्ज (नेप्से) परिसूचक आज ३३.२७ अंकले बढेर २८६६.८७ बिन्दुमा पुगेको छ। बजारमा आज उल्लेख्य उत्साह देखिँदै कारोबार रकम १० अर्ब नाघेको छ।

आज कुल २ करोड ६४ लाख ३८ हजार कित्ता शेयर किनबेच हुँदा १० अर्ब ५३ करोड ७० लाख रुपैयाँ बराबरको कारोबार भएको हो।

यसदिन १३ वटै उपसूचक हरियालीमा देखिएका छन्। वाणिज्य बैंक समूह १.३० प्रतिशतले बढ्दा विकास बैंक समूह १.५३ प्रतिशत, फाइनान्स समूह १.२१ प्रतिशत र होटल तथा पर्यटन समूह ३.१६ प्रतिशतले उकालो लागेको छ।

समग्रमा आजको बजारमा लगानीकर्ताको उत्साह देखिँदा अधिकांश समूहमा सकारात्मक प्रभाव परेको छ।