१० चैत,२०८२ काठमाडौं- सरकारले सर्वत्र आलोचना भएपछि जेन–जी आन्दोलनका घटना जाँचबुझ आयोग को प्रतिवेदन सार्वजनिक गर्ने तयारी गरेको छ। राजीनामाको अन्तिम चरणमा उभिएको वर्तमान सरकारले प्रतिवेदन सार्वजनिक गर्न आन्तरिक छलफल गरिरहेको बताइएको छ।

स्रोतका अनुसार सो छलफलपछि सकेसम्म आज वा भोलिसम्म प्रतिवेदन सार्वजनिक गरिने र त्यसपछि सरकार विदा हुने योजना छ। फागुन २१ गतेको निर्वाचनबाट प्राप्त जनादेश अनुसार राष्ट्रिय स्वतन्त्र पार्टी का वरिष्ठ नेता बालेन्द्र शाह आगामी चैत १३ गते शुक्रबार प्रधानमन्त्रीको शपथ लिने तयारीमा छन्।

सरकारले प्रधानमन्त्रीको शपथअघि प्रतिवेदन सार्वजनिक गरेर विदा हुने तयारीमा रहेको जानकारी प्राप्त भएको छ।