१ चैत,२०८२ काठमाडौं-  राष्ट्रिय स्वतन्त्र पार्टी (रास्वपा) का प्रवक्ता मनिष झाले अबको करिब १० दिनपछि नयाँ सरकार गठन हुने बताएका छन्।सचिवालय बैठकपछि पत्रकारहरूसँग कुरा गर्दै उनले संवैधानिक प्रक्रियाहरू पूरा गर्न समय लाग्ने भएकाले करिब १० दिनभित्र नयाँ सरकार बन्ने बताए।

झाले नयाँ सरकारको प्रधानमन्त्री बालेन्द्र शाह हुने विषयमा कुनै दुईमत नरहेको उल्लेख गरे। अन्य विषयमा भने पार्टीभित्र आन्तरिक छलफल भइरहेको उनको भनाइ छ।

उनका अनुसार बालेन्द्र शाहलाई संसदीय दलको नेता बनाउन विधान संशोधन गर्नुपर्ने छ भने समानुपातिकको बन्दसूची बुझाइसकेपछि प्रक्रिया अगाडि बढ्नेछ। मन्त्री चयनबारे भने हालसम्म औपचारिक छलफल नभएको उनले बताएका छन्।