२६ फाल्गुन,२०८२ काठमाडौं- सरकारले आन्तरिक स्रोत परिचालनका लागि ६ अर्ब रुपैयाँ आन्तरिक ऋण उठाउने भएको छ। अर्थ मन्त्रालय अन्तर्गतको सार्वजनिक ऋण व्यवस्थापन कार्यालयका अनुसार सरकार ‘विकास ऋणपत्र २०८७’ जारी गर्दै बोलकबोल प्रक्रियामार्फत ५ वर्ष अवधिका लागि उक्त रकम उठाउने तयारीमा छ।

ऋणपत्रको बोलकबोल फागुन २६ मा हुनेछ भने निष्कासन फागुन २७ मा गरिनेछ। यसमा बैंक तथा वित्तीय संस्था, गैर–बैंक वित्तीय संस्था, बीमा कम्पनी, संगठित संस्था र नेपाली नागरिकले आवेदन दिन सक्नेछन्।

जारी हुने ऋणपत्रलाई धितो राखेर कर्जा लिन र दिन सकिने व्यवस्था गरिएको छ। ब्याजदर बोलकबोल प्रक्रियाबाट निर्धारण हुनेछ र सहभागीले कबोल गरेको ब्याजदर सानोदेखि ठूलो क्रम अनुसार मिलाएर बाँडफाँट गरिने व्यवस्था रहेको सार्वजनिक ऋण व्यवस्थापन कार्यालयले जनाएको छ।