१२ फाल्गुन, २०८२ काठमाडौं – सरकारले फागुन २१ गते हुने प्रतिनिधिसभा निर्वाचनलाई लक्षित गर्दै तीन दिन सार्वजनिक बिदा दिने निर्णय गरेको छ। मंगलबार बसेको मन्त्रिपरिषद् बैठकले फागुन २०, २१ र २२ गते देशभर सार्वजनिक बिदा दिने निर्णय गरेको हो।

निर्वाचनको तयारी, मतदान व्यवस्थापन तथा मतदातालाई सहज रूपमा मतदानमा सहभागी गराउने उद्देश्यले बिदा दिने निर्णय गरिएको बताइएको छ।

यसअघि निर्वाचन आयोगले पनि प्रतिनिधिसभा निर्वाचनलाई लक्षित गर्दै आवश्यक दिन सार्वजनिक बिदा घोषणा गर्न सरकारसमक्ष सिफारिस गरेको थियो। आयोगको सिफारिसअनुसार मन्त्रिपरिषद्ले बिदा स्वीकृत गरेको हो।