११ माघ,२०८२ काठमाडौं –  आज सातै प्रदेशको राजधानीमा राष्ट्रिय सभा सदस्य निर्वाचन जारी छ। बिहान ९ बजे सुरु भएको मतदान दिउँसो ३ बजे सम्म चल्नेछ।

१२:४५ बजेसम्म कोसी प्रदेशमा ३१३, मधेसमा २२७, बागमतीमा २१७, गण्डकीमा १८०, लुम्बिनीमा १६३, कर्णालीमा १४५ र सुदूरपश्चिममा १८६ मत खसेको निर्वाचन आयोगले जनाएको छ।

कोसी प्रदेशको खस–आर्यतर्फको एक पदमा नेपाली कांग्रेसका सुनीलबहादुर थापा निर्विरोध निर्वाचित भएका छन्। बाँकी १७ पदका लागि मतदान जारी छ।

मतदाता प्रदेशसभा सदस्य, स्थानीय तह प्रमुख/उपप्रमुख र अध्यक्ष/उपाध्यक्ष रहेका छन्।