२ माघ,२०८२ काठमाडौं – काठमाडौं महानगरपालिकाका प्रमुख तथा राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन)ले देशलाई इमानदार नेतृत्वको आवश्यकता रहेको बताएका छन्।

सामाजिक सञ्जालमा सक्रिय बालेनले आफू राजनीतिमा प्रवेश गर्नुको कारण स्पष्ट पार्दै अब देशलाई अल्पकालीन निर्णयभन्दा दीर्घकालीन दृष्टिकोण आवश्यक रहेको उल्लेख गरेका छन्। उनले लेखेका छन्, ‘देशलाई अब अल्पकालीन निर्णय होइन, दीर्घकालीन दृष्टिकोण चाहिएको छ। अब लोकप्रिय नारा होइन, इमानदार नेतृत्व चाहिएको छ।’

नेपाललाई व्यवस्थित र दिगो रूपमा अघि बढाउने स्पष्ट योजना र उद्देश्यका साथ आफू राजनीतिमा सक्रिय भएको बालेनको दाबी छ। उनले नेतृत्वको शैली परिवर्तन नगरी देशमा सकारात्मक परिवर्तन सम्भव नहुने पनि संकेत गरेका छन्।