२५ पुस,२०८२ काठमाडौं – प्रधानमन्त्री सुशीला कार्कीसँग निर्वाचन आयोगका पदाधिकारीले आसन्न प्रतिनिधिसभा सदस्य निर्वाचनका लागि लागू हुने निर्वाचन आचारसंहिताबारे जानकारी गराएका छन् । शुक्रबार निर्वाचन आयोगका कार्यवाहक प्रमुख आयुक्त रामप्रसाद भण्डारीसहित आयुक्त तथा उच्च अधिकारीहरूले प्रधानमन्त्री कार्कीसँग भेट गरी निर्वाचनको तयारी र व्यवस्थापनबारे छलफल गरेका हुन् ।

आयोगले आगामी माघ ३ गतेदेखि निर्वाचन आचारसंहिता जारी गर्ने जानकारी प्रधानमन्त्री कार्कीलाई गराएको छ । भेटमा अर्थमन्त्री रामेश्वर खनाल, शिक्षा, विज्ञान तथा प्रविधिमन्त्री महावीर पुन, कानुन, न्याय तथा संसदीय मामिलामन्त्री अनिकुमार सिन्हा, मुख्यसचिवलगायतको सहभागिता रहेको प्रधानमन्त्रीको सचिवालयले जनाएको छ ।