२ पुष,२०८२ काठमाडौं— अमेरिकी राष्ट्रपति डोनाल्ड ट्रम्पले भेनेजुएला प्रवेश गर्ने र बाहिरिने सबै प्रतिबन्धित तेल ट्याङ्करमा पूर्ण नाकाबन्दी लगाउन आदेश दिएका छन्। ट्रम्पले भेनेजुएलालाई आतंकवाद, लागूपदार्थ तस्करी र मानव तस्करीमा संलग्न भएको आरोप लगाएका छन्।

यसअघि अमेरिकाले भेनेजुएलाको तटबाट एउटा तेल ट्याङ्कर कब्जा गरेको थियो, जसलाई राष्ट्रपति निकोलस मादुरोले ‘डकैती’ भनेका थिए। ट्रम्पको नयाँ आदेशले अन्तर्राष्ट्रिय तेल मूल्यमा ठूलो प्रभाव पार्ने अपेक्षा गरिएको छ।

अमेरिकाले क्यारिबियन क्षेत्रमा आफ्नो वायुसेना र नौसेना तैनाथ गरेको छ, जसमा आणविक पनडुब्बी, टोही विमान र १५ हजार सैनिक समावेश छन्। यस क्षेत्रमा अमेरिकी आक्रमणमा अहिलेसम्म ८० भन्दा बढी मानिसहरूको मृत्यु भइसकेको छ।