सेयर बजारमा सुधार, नेप्से २५०१ बिन्दु नाघ्यो

प्रकाशित मिति

२०८२ मंसिर २९ गते, सोमबार ०३:१९

मंसिर २९,२०८२ काठमाडौं— नेपाल स्टक एक्सचेञ्ज (नेप्से) सोमबार ६.७४ अंकले बढेर २५०१.६१ बिन्दुमा कायम भएको छ। आज ३२९ कम्पनीको ७७ लाख ५७ हजार कित्ता शेयर किनबेच हुँदा कुल ३ अर्ब ४४ करोड १९ लाख रुपैयाँ बराबरको कारोबार भएको हो।

आजको कारोबारमा पाँच उपसूचक राताम्य भएका छन् भने आठ उपसूचकमा हरियाली देखिएको छ। सबैभन्दा बढी फाइनान्स समूहको शेयर ०.९० प्रतिशतले बढेको छ।

कारोबार भएका कम्पनीमध्ये १५५ कम्पनीको शेयर मूल्य बढेको छ भने ९४ कम्पनीको घटेको छ। बाँकी १० कम्पनीको शेयर मूल्य स्थिर रहेको नेप्सेले जनाएको छ।