मंसिर  २३, २०८२ काठमाडौं— सरकारले चालु वर्षका लागि उखुको समर्थन मूल्य प्रतिक्विन्टल ६२० रुपैयाँ तोकेको छ। सोमबार बसेको मन्त्रिपरिषद्को बैठकले यो दर निर्धारण गरेको हो। अघिल्लो वर्ष समर्थन मूल्य ६५५ रुपैयाँ रहेकोमा यस वर्ष ३५ रुपैयाँ घटाइएको हो।

गत वर्षहरूमा समर्थन मूल्य क्रमशः २०८०/८१ मा ६३५ रुपैयाँ, २०७९/८० मा ६१० रुपैयाँ र २०७८/७९ मा ५९० रुपैयाँ निर्धारण गरिएको थियो।

कृषि तथा पशुपन्छी विकास मन्त्रालयका अनुसार हाल देशका आठ जिल्लामा करिब ६१ हजार हेक्टर क्षेत्रफलमा वार्षिक ३२ लाख १७६ मेट्रिक टन उखु उत्पादन हुँदै आएको छ।

यसबाहेक, सरकारले किसानलाई प्रदान गर्ने प्रतिक्विन्टल ७० रुपैयाँ अनुदान यस वर्ष पनि यथावत राखेको छ।