मंसिर २२, २०८२ काठमाडौं— काठमाडौँको सिनामंगलमा नेपाल प्रहरीका सहायक निरीक्षक (असई) पुष्कर कार्कीले आफ्नै ४ महिनाको छोराको हत्या गरेको आरोपमा पक्राउ परेका छन्। कार्की आइतबार दिउँसो डेरामा छोराको घाँटी थिचेर हत्या गरेर फरार भएको अवस्थामा नागढुंगाबाट पक्राउ गरिएको जिल्ला प्रहरी परिसरका एसपी पवनकुमार भट्टराईले बताए।

ब्रेन ट्युमरको उपचार गराइरहेका छोराको विषयमा श्रीमती कृष्णा कुँवरसँग विवाद भएपछि उनले यस्तो गरेको प्रारम्भिक अनुसन्धानले देखाएको छ। श्रीमतीलाई समेत कुटपिट गरी घाइते बनाइएको र हाल नेपाल प्रहरी अस्पतालमा उपचार भइरहेको प्रहरीले जनाएको छ।