मंसिर २१, २०८२ काठमाडौं— नेपाल स्टक एक्सचेञ्ज (नेप्से) सूचक आइतबार २१.४८ अंकले घटेर २६०९.६९ बिन्दुमा पुगेको छ। आज ३२५ कम्पनीका १ करोड ७ लाख १८ हजार कित्ता शेयर किनबेच हुँदा कुल ५ अर्ब ३३ करोड ४४ लाख १५ हजार रुपैयाँको कारोबार भएको एक्सचेञ्जले जनाएको छ।

आजका सबै १३ उपसूचक राताम्य भएका छन्। वाणिज्य बैंक समूह ०.६० प्रतिशतले, विकास बैंक समूह ०.९३ प्रतिशतले, फाइनान्स समूह १ प्रतिशतले र होटल तथा पर्यटन समूह १.२० प्रतिशतले घटेका छन्।

यस दिन ४६ कम्पनीको शेयर मूल्य बढेको छ भने २०४ कम्पनीको शेयर मूल्य घटेको छ। त्यस्तै ८ कम्पनीको मूल्य स्थिर रहेको नेप्सेले जनाएको छ।