मंसिर ११, २०८२ काठमाडौं – पुष्पकमल दाहाल ‘प्रचण्ड’ नेतृत्वको नेपाली कम्युनिस्ट पार्टी (नेकपा)मा आज थप चार पार्टी समाहित हुने भएका छन्। प्रचण्डको निजी सचिवालयका अनुसार जनता समाजवादी पार्टी (एकीकरण पक्षधर समूह), जनजागरण पार्टी नेपाल, नेकपा बहुमत विद्रोही समूह तथा नेकपा माओवादी विद्रोही समूह नेकपामा प्रवेश गर्न लागेका हुन्।

समाहित हुने दललाई स्वागत गर्ने एकता घोषणा कार्यक्रम बिहीबार दिउँसो १ बजे राष्ट्रिय सभागृहमा आयोजना गरिएको सचिवालयले जनाएको छ।

यो समायोजनपछि प्रचण्ड नेतृत्वको नेकपाभित्र संगठनात्मक विस्तार र वाम–एकताको प्रयास थप मजबुत हुने अपेक्षा गरिएको छ।