मंसिर ५, २०८२ काठमाडौं — बाराको सिमरा क्षेत्रमा दुई दिनदेखि जारी आन्दोलन समाधानका लागि स्थानीय प्रशासन र जेनजी अगुवाबीच आज दिउँसो ३ बजे पथलैयास्थित सशस्त्र प्रहरी बलको प्राविधिक तालिम शिक्षालयमा छलफल हुने भएको छ।

बुधबार एमाले कार्यकर्ताले जेनजी युवामाथि गरेको कुटपिटपछि सुरु भएको विवादका कारण क्षेत्र अशान्त बनेको छ। जेनजी समूहको उजुरीका आधारमा तीन जना एमाले सम्वद्ध व्यक्तिलाई प्रहरीले नियन्त्रणमा लिएर अनुसन्धान गरिरहेको छ। कर्फ्यू अवज्ञा गर्दै प्रदर्शनकर्ताले सिमरा चोकमा टायर बालेर विरोध जारी राखेपछि प्रशासनले वार्तामार्फत समस्या समाधान गर्ने कोशिश गरेको हो।