काठमाडौं – राष्ट्रिय स्वतन्त्र पार्टी (रास्वपा) का सभापति रवि लामिछानेलाई उच्चस्तरीय जाँचबुझ आयोगले बुधबार सोधपुछका लागि नख्खु कारागारबाट सिंहदरबारस्थित आयोगको कार्यालयमा ल्याइएको छ।

जेनजी आन्दोलनको क्रममा लामिछाने कारागारबाट बाहिर निस्किएका घटनाबारे सोधपुछ गर्न उनलाई आयोगले बोलाएको हो। लामिछाने सहकारी संस्थाको रकम हिनामिना प्रकरणमा पुर्पक्षका लागि कारागारमा रहेका बेला २४ भदौमा असुरक्षाको कारण देखाउँदै बाहिर निस्किएका थिए।

आयोगले सोमबार कारागारमै घटनाको अध्ययन गरेको थियो भने नख्खु कारागारका प्रमुखबाट बयान समेत लिइसकेको छ।