२७.८९ अंकले घट्यो नेप्से, आज कारोबार कति ?

प्रकाशित मिति

२०८२ आश्विन ८ गते, बुधबार ०३:२१

असोज ८, २०८२ काठमाडौं– दुई दिनको हरियालीपछि शेयर बजारमा आज पुनः गिरावट आएको छ। नेपाल स्टक एक्सचेञ्ज (नेप्से) २७.८९ अंकले घटेर २६५४.३५ बिन्दुमा झरेको छ।

राजनीतिक अस्थिरता, जेनजी आन्दोलनका कारण भएका क्षति, र दशैं नजिकिँदै गर्दा लगानीकर्ताले खर्च जुटाउन शेयर बेच्न थालेका कारण बजारमा दबाब देखिएको हो।

३१७ कम्पनीको ९४ लाख कित्ता शेयर किनबेच हुँदा कुल कारोबार ४ अर्ब १२ करोड रुपैयाँ पुगेको छ। ११ उपसूचक घट्दा पनि निर्जीवन बीमा, व्यापार, फाइनान्स र विकास बैंक समूहमा भने सामान्य वृद्धि देखिएको छ।