असोज ६, २०८२ काठमाडौं– प्रधानमन्त्री सुशीला कार्कीद्वारा नियुक्त गरिएका पाँच नवनियुक्त मन्त्रीहरुले आज पद तथा गोपनीयताको शपथ ग्रहण गर्ने भएका छन्। राष्ट्रपति रामचन्द्र पौडेलले शपथ ग्रहण गराउने कार्यक्रम आज दिउँसो २ बजे राष्ट्रपति कार्यालय, शीतल निवासमा तय गरिएको छ।

प्रधानमन्त्री कार्कीले आइतबार महावीर पुन, अनिल सिन्हा, मदन परियार, संगिता मिश्र र जगदिश खरेललाई मन्त्रिपरिषद्मा समावेश गरेकी थिइन्। सिफारिसअनुसार महावीर पुनलाई शिक्षा मन्त्री, अनिल सिन्हालाई कानुन, उद्योग वाणिज्य तथा भूमिसुधार मन्त्री, मदन परियारलाई कृषि मन्त्री, संगिता मिश्रलाई स्वास्थ्य मन्त्री र जगदिश खरेललाई सञ्चार मन्त्रीको जिम्मेवारी दिइएको छ।