भदौ ३०,२०८२ काठमाडौं – संघीय संसद् सचिवालयले जेन–जी आन्दोलनका क्रममा भदौ २४ गते नयाँ बानेश्वरस्थित संसद् भवनमा भएको आगजनी र तोडफोडपछि लगिएका मालसामान फिर्ता गर्न आग्रह गरेको

सचिवालयले सोमबार सार्वजनिक सूचना जारी गर्दै टेबल, कुर्सी, कम्प्युटर, प्रिन्टर, क्यामेरा, टेलिभिजनलगायतका सामग्री अनधिकृत रूपमा लगिएको भन्दै फिर्ता गर्न अनुरोध गरेको हो।

यस्तै, मालसामान रहेको स्थान वा व्यक्तिको वतन जानकारी भएमा सूचना दिन र भिडिओ प्रमाण उपलब्ध गराई सहयोग गर्न समेत सचिवालयले आह्वान गरेको छ। उपलब्ध गराउने व्यक्तिको परिचय गोप्य राखिने सूचनामा उल्लेख छ।