भदौ २९ ,२०८२ काठमाडौं – जेनजी आन्दोलनका क्रममा मृत्यु हुनेको संख्या ७२ पुगेको छ। प्रधानमन्त्री सुशीला कार्कीको पदभार ग्रहण कार्यक्रममा मुख्य सचिव एकनारायण अर्यालले जानकारी दिएका छन्। आन्दोलनमा ५९ जना प्रदर्शनकारी, १० जना कैदीबन्दी र ३ जना सुरक्षाकर्मीको ज्यान गएको मुख्य सचिव अर्यालले बताए। उनका अनुसार १३४ जना प्रदर्शनकारी र ५७ जना प्रहरी घाइते भएका छन्।

भदौ २३ गते भ्रष्टाचार र सामाजिक सञ्जालमाथि लगाइएको प्रतिबन्धविरुद्ध युवाहरू आन्दोलनमा उत्रिएका थिए। त्यसक्रममा प्रहरीले नियन्त्रण प्रयास गर्दा झडप भएका थिए र विभिन्न ठाउँमा आगजनी हुँदा धेरैको मृत्यु भएको थियो।

मृतक सबैको पहिचान हुन सकेको छैन। जलेका स्थानहरू सफा गर्ने क्रममा थप शव फेला पर्ने क्रम जारी छ।