श्रावण ७,२०८२ काठमाडौं । नेपाल स्टक एक्सचेञ्ज (नेप्से) अबदेखि ब्रोकर कम्पनीहरूको मासिक तथा वार्षिक सेयर खरिद–बिक्री विवरण सार्वजनिक गर्ने भएको छ।

नेप्सेले सेयर बजारमा संलग्न हरेक ब्रोकर कम्पनीले कुन अवधिमा कति रकम बराबरको सेयर खरिद वा बिक्री गरे भन्ने विस्तृत विवरण आफ्नो नियमित प्रतिवेदनमार्फत प्रकाशन गर्ने जनाएको छ।

हालसम्म ती विवरणहरू रेकर्ड त गरिँदै आए पनि सार्वजनिक गरिँदैनथे। तर अबदेखि यो अभ्यासले ब्रोकरहरूको सक्रियता, बजारमा उनीहरूको प्रभाव र सम्भावित एकाधिकार जस्ता विषयमा पारदर्शिता ल्याउने नेप्सेले विश्वास लिएको छ।