साउन १,२०८२ काठमाडौं । राष्ट्रिय स्वतन्त्र पार्टी (रास्वपा)को नाम र चुनाव चिह्न ‘घण्टी’ हटाउन माग गर्दै निर्वाचन आयोगमा निवेदन परेको छ। युवराज सफल नामक अभियन्ताले बिहीबार आयोगमा दिएको निवेदनमा ‘स्वतन्त्र’ शब्दले स्वतन्त्र उम्मेदवारहरूको पहिचान मेटिएको दाबी गर्दै पार्टीको नाम परिवर्तन गर्न माग गरेका छन्।

उनले पार्टी स्वतन्त्र हुन नसक्ने उल्लेख गर्दै “स्वतन्त्र” भन्ने शब्दले जनमत भ्रमित बनाउने र मतदाताको आँखामा छारो हाल्ने काम भएको आरोप लगाएका छन्। त्यस्तै, सफलले रास्वपाको चुनाव चिन्ह ‘घण्टी’ हटाउन माग गर्दै उक्त चिन्ह हिन्दू धर्ममा पूजामा प्रयोग हुने धार्मिक प्रतीक भएकाले यसलाई राजनीतिक प्रयोजनमा प्रयोग गर्नु धर्मनिरपेक्षताको मर्मविपरीत भएको उल्लेख गरेका छन्।