असार ३२,२०८२ काठमाडौं । भोलिदेखि सुरु हुने नयाँ आर्थिक वर्ष सँगै सरकारले सुन तथा सुनका गहनामा २ प्रतिशत विलासिता कर लागू गर्ने भएको छ।

बजेटमार्फत घोषणा गरिएको यो कर आगामी बिहीबार (साउन १) देखि लागू हुनेछ। यससँगै सुनको उपभोक्ता मूल्यमा प्रत्यक्ष असर पर्ने सुन व्यवसायीहरूको भनाइ छ। यसअघि सरकार र सुन व्यवसायीबीच ६ बुँदे सहमति भए पनि विलासिता कर भने यथावत् राखिने निश्चित भएको छ।

आन्तरिक राजस्व विभागले कर लागू गर्नका लागि बिलको नयाँ ढाँचा समेत तयार गरिसकेको छ। यसबाट सुन कारोबारमा पारदर्शिता बढ्ने भए पनि उपभोक्ताको लागि सुन अझ महँगो हुने निश्चित देखिन्छ।