काठमाडौँ – बुङ्गल हाइड्रोपावर लिमिटेडले आयोजना प्रभावित क्षेत्रका बासिन्दा र वैदेशिक रोजगारीमा रहेका नेपालीहरूका लागि प्राथमिक शेयर ९आईपीओ० निष्काशन खुला गरेको छ । कम्पनीले ८३ करोड रुपैयाँको जारी पूँजीमध्ये ३५ प्रतिशत अर्थात् २९ करोड ५ लाख रुपैयाँ बराबरको शेयर निष्काशन गर्न लागेको हो ।

यसमध्ये स्थानिय बासिन्दाका लागि ८ लाख ३० हजार ८२४ कित्ता सेयर छुट्याइएको छ । जुन प्रतिकित्ता १०० रुपैयाँ दरमा प्रदान गरिनेछ। स्थानिय बासिन्दाका लागि छुट्याइएको शेयरमा ६५ प्रतिशत हिस्सा बझाङ जिल्लाको बुङ्गल नगरपालिका–६ र ७ अन्तर्गत पर्ने साविक पिपलकोट र कफल्सेरी गाविसका अति प्रभावित क्षेत्रका बासिन्दालाई प्रदान गरिनेछ। बाँकी ३५ प्रतिशत सेयर भने बुङ्गल नगरपालिकाका–१, २, ३, ४, ५, ८, ९, १० र ११ का सामान्य प्रभावित क्षेत्रका बासिन्दाहरूलाई बाँडफाँड गरिनेछ।

त्यस्तै, वैदेशिक रोजगारीमा रहेका नेपालीहरूका लागि २ लाख ७ हजार ५०० कित्ता शेयर छुट्याइएको कम्पनीले जनाएको छ । जसको कुल मूल्य २ करोड ७ लाख ५० हजार रुपैयाँ बराबर हुन्छ। यसमा आवेदन दिन चाहने श्रमिकहरूले नेपाल सरकारको सम्बन्धित निकायबाट श्रम स्वीकृति लिएको प्रमाण पेश गर्नुपर्नेछ।

आवेदनको न्यूनतम सीमा १० कित्ता रहेको छ भने अधिकतममा २० हजार कित्तासम्म आवेदन दिन सकिने व्यवस्था गरिएको छ। स्थानिय बासिन्दाहरूका लागि आवेदन अवधि अनिवार्य रूपमा साउन ११ गतेसम्म खुला हुनेछ। यदि तोकिएको समयभित्र पर्याप्त आवेदन प्राप्त नभएमा यो अवधि साउन २६ गतेसम्म बढ्न सक्छ। वैदेशिक रोजगारीमा रहेका नेपालीहरूका लागि भने साउन ११ गते नै अन्तिम म्याद कायम गरिएको छ।

वैदेशिक रोजगारीमा रहेका नेपालीहरुले नेपाल धितोपत्र बोर्डबाट स्वीकृति प्राप्त गरेका सम्पूर्ण सि आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट सि आस्बा प्रणाली मार्फत आवेदन दिन सक्नेछन्।