असार २७,२०८२ काठमाडौं । सङ्घीय संसद् राष्ट्रिय सभाको बैठक आज अपराह्न १२:१५ बजे नयाँ बानेश्वरस्थित संसद् भवनमा बस्दैछ।आजको बैठकमा सांसद सुमित्रा बिसी, उर्मिला अर्याल र कमला पन्तलगायतले दर्ता गराएको “ज्येष्ठ नागरिकको जीवन सुरक्षित, गुणस्तरयुक्त र सम्मानित बनाउन विशेष व्यवस्था गर्नुपर्ने” विषयमा जरुरी सार्वजनिक महत्वको प्रस्तावमाथि छलफल हुने छ।

त्यस्तै, ऊर्जा, जलस्रोत तथा सिँचाइ मन्त्री दीपक खड्काले “जलस्रोत विधेयक, २०८१” माथि विचार गरियोस् भन्ने प्रस्ताव प्रस्तुत गर्ने कार्यसूची छ। साथै, गृहमन्त्री रमेश लेखकले “नेपाल नागरिकता (दोस्रो संशोधन) विधेयक, २०८१” माथि विचार गरियोस् भन्ने प्रस्ताव पनि बैठकमा पेश गर्ने कार्यक्रम रहेको छ।