काठमाडौं । आर्थिक सुस्तता र बढ्दो प्रतिस्पर्धाका कारण चन्द्रगिरी हिल्स लिमिटेडको व्यापारमा उल्लेख्य गिरावट आएको छ। कम्पनीले चालु आर्थिक वर्षको पहिलो ९ महिनामा जम्मा ६३ करोड ७० लाख रुपैयाँको व्यापार गरेको छ, जुन अघिल्लो वर्षहरूमा गरिएको व्यापारभन्दा कम हो।

कम्पनीका अनुसार सन् २०२४ मा एक अर्ब रुपैयाँको कारोबार भए पनि हाल आर्थिक अवस्था कमजोर हुँदा सर्वसाधारणको खर्च गर्ने क्षमता घटेको र उपत्यकाको आसपासमा अन्य सुविधासम्पन्न होटल र रिसोर्ट खुलेका कारण व्यापारमा दबाव परेको छ।

सन् २०२३ मा कम्पनीले ९१ करोड ३० लाख, सन् २०२२ मा ६६ करोड ९० लाख, र त्यसअघि २२ करोड २० लाख रुपैयाँको कारोबार गरेको थियो। कम्पनीले २०२४ को कारोबारमध्ये २३ प्रतिशत विदेशी पर्यटकबाट आएको उल्लेख गरेको छ।