काठमाडौं । बजारमा स्थिरता ल्याउने प्रयासस्वरूप कुखुराको मासुको मूल्य फेरि घटाइएको छ। राष्ट्रिय कुखुरा बिक्री व्यवसायी संघले आजदेखि लागू हुने गरी जिउँदो कुखुरा र तयारी मासुको मूल्यमा क्रमशः १० देखि १५ रुपैयाँसम्मको कटौती गरेको जनाएको छ।

संघका अनुसार, जिउँदो कुखुराको प्रतिकिलो मूल्य १० रुपैयाँ घटाएर २ सय ५० रुपैयाँबाट २ सय ४० रुपैयाँमा झारिएको छ। त्यस्तै, तयारी मासुको मूल्य १५ रुपैयाँले घटेर अब प्रतिकिलो ३ सय ३५ रुपैयाँमा कायम भएको छ। अघिल्लो मूल्य प्रतिकिलो ३ सय ५० रुपैयाँ थियो।

संघका पदाधिकारीहरूले आपूर्ति व्यवस्थाको सहजता, उत्पादनमा देखिएको स्थिरता र उपभोक्ताको क्रयशक्तिलाई मध्यनजर गर्दै मूल्य समायोजन गरिएको स्पष्ट पारेका छन्।