काठमाडौँ । राजावादी आन्दोलनका क्रममा चैत १५ गते तीनकुनेमा भएको घटनासँग सम्बन्धित ५० जना प्रतिवादीको बयान र थुनछेक प्रक्रिया काठमाडौँ जिल्ला अदालतको न्यायाधीश ध्रुवराज कार्कीको इजलासमा हुने भएको छ।

राज्यविरुद्धको कसुरमा अभियोग लागेका दुर्गा प्रसाईंसहित ५० जनाविरुद्ध अदालतमा मुद्दा दायर भएपछि बयान लिन र थुनछेक प्रक्रिया अगाडि बढाउन इजलास तोकिएको हो।

यसैगरी, भाटभटेनी लुटकाण्डमा संलग्न ठहर गरिएका ११ जनाको बयान तथा थुनछेक प्रक्रिया भने न्यायाधीश पदमराज पाण्डेको इजलासमा हुने भएको छ। उनीहरूलाई सरकारी वकिल कार्यालयले आपराधिक उपद्रवको अभियोगमा मुद्दा चलाएको छ।