वैशाख ११, २०८२ काठमाडौँ: नवनियुक्त शिक्षामन्त्री रघुजी पन्तले आज पद तथा गोपनियताको शपथ लिदै छन् । प्रधानमन्त्री केपी शर्मा ओलीले बुधबार पन्तलाई शिक्षामन्त्रीमा नियुक्त गरेका थिए ।

शिक्षामन्त्री बिद्या भट्टराईले राजीनामा दिएपछि पन्तलाई नियुक्त गरिएको हो । प्रधानमन्त्री ओलीको सिफारिसमा राष्ट्रपति रामचन्द्र पौडेलले पन्तलाई शिक्षा, विज्ञान तथा प्रविधिमन्त्री नियुक्त गरेका हुन् ।

विगतमा प्रधानमन्त्री ओलीका कडा आलोचक रहेका पन्त पछिल्लो समयमा ओलीको पक्षमा खुलेर लागेपछि उनलाई पुरस्कार स्वरूप मन्त्री बनाइएको चर्चा मिडिया र सामाजिक सञ्जालमा चलिरहेको छ ।