पुष १४, २०८१ काठमाडौँ: काठमाडौं महानगरपालिकाले व्यवसायबाट विस्थापित गर्न खोजेको भन्दै कवाडी व्यवसायीहरूले काठमाडौंमा प्रदर्शन गरेका छन् ।

महानगरले व्यवसायबाट विस्थापित गराउन अनावश्यक दुःख दिएको भन्दै कवाडी व्यवसायी सङ्घर्ष समितिले आइतबार काठमाडौंमा विरोध प्रदर्शन गरेका हुन् ।

काठमाडौं महानगर प्रहरीहरूले कवाडी व्यवसायीलाई दुःख दिएको, हातपात गरेको, कुटपिट गरेको र गाली बेइज्जती गरेको कवाडी व्यवसायीहरुहरुको गुनासो छ ।

अदालतले कवाडी नहटाउन आदेश दिए पनि महानगरले त्यसको विपरीत काम गरिरहेकाले महानगरविरुद्ध आन्दोलन गर्नुपरेको सङ्घर्ष समितिले जनाएको छ ।