सर्वोच्चमा आजका सबै सुनुवाइ स्थगित

प्रकाशित मिति

२०८१ पुष १४ गते, आईतवार ०२:०७

पुष १४, २०८१ काठमाडौँ: सर्वोच्च अदालतमा सबै मुद्दाको सुनुवाइ स्थगित भएको छ । पूर्वन्यायाधीश प्रकाश वस्तीको निधनको शोकमा आइतबारको सुनुवाइलाई स्थगित गरिएको हो ।

सर्वोच्च अदालतमा बसेको बैठकले शोक प्रस्ताव पारित गरी इजलास नबस्ने निर्णय गरेको सूचना अधिकारी निराजन पाण्डेले जानकारी दिए ।

उनका अनुसार अन्य कामकारबाही भने हुनेछ । पूर्वन्यायाधीश वस्तीको ७१ वर्षको उमेरमा शुक्रबार निधन भएको थियो । गोरखा खोपलाङमा विसं २०१० असार ८ गते जन्मिएका वस्ती २०३३ सालदेखि कानून व्यवसायमा प्रवेश गरेका थिए ।